Астанада үйдің қасбетін салып жатқан екі жұмысшы 15-қабаттан құлап мерт болды, деп хабарлайды Kaskelen.kz
Қалалық Полиция департаментінің мәліметінше, Астана қаласында салынып жатқан жаңа тұрғын үй кешенінде қасбет қоюмен айналысқан екі жұмысшы 15-қабаттан құлап, қайтыс болды.
“Анықталғандай, А.Байтұрсынов көшесінің бойында салынып жатқан 20 қабатты тұрғын үй кешенінің қасбеттік жұмыстарын жүргізу кезінде арқан үзіліп кетіп, монтаждау көтергішінен екі жұмысшы 15-қабаттан биіктен құлап кеткен. 20 және 27 жастағы жұмысшылар оқиға орнында көз жұмды”, – делінген полиция хабарламасында.
Ведомство мәлім еткендей, аталған факті бойынша ҚР Қылмыстық кодексінің 277-бабының 3-бөлігі бойынша сотқа дейінгі тергеу амалдары жүргізіліп жатыр.
Сізге ұнауы мүмкін
Барлық қажетті сараптамалар тағайындалды.
