Түркістан облысында отбасылық жанжал барысынды күйеуін өлтірді деген күдікпен әйел адам ұсталды деп хабарлайды Kaskelen.kz
ІІМ мәліметі бойынша, 12 тамыз күні Түркістан облысы Сарағаш ауданының орталық полиция бөліміне тұрғындардың бірі ағасының жоғалғаны туралы арыз жазады.
38 жасар ер адамды іздеуге барлық полиция бөлімшесі жұмылдырылған.
Сізге ұнауы мүмкін
“Жедел-іздестіру іс-шаралары барысында полицейлер отбасылық жанжалдан кейін күйеуін өлтірді деген күдікпен аудан тұрғынын ұстады. Айғақты заттар тәркіленді. Күдікті уақытша ұстау изоляторына қамалды”, – деп хабарлады полицейлер.
Қайғылы оқиға болған отбасының ішкі істер органдарында тіркелмегені және бұрын отбасылық жанжал бойынша арызданбағаны атап өтілді.
Полицейлер Қылмыстық кодекстің 99-бабының 2-бөлігі «Адам өлтіру» бойынша сотқа дейінгі тергеуді бастады. Оқиғаның барлық мән-жайы анықталып жатыр.
