Сізге ұнауы мүмкін
Еңбек және халықты әлеуметтік қолдау министрі Светлана Жақыпова елімізде мүгедек жандардың мүддесін толыққанды қорғауға қатысты бірқатар шешімін таппаған мәселе барын айтты, деп хабарлайды kaskelen.kz тілшісі.
«Бүгінде елімізде 725 мыңнан астам мүгедек жан бар, оның 58%-ы еңбекке жарамды, 26,9%-ы зейнет жасында және 15,1%-ы балалар мен жасөспірімдер. Ерекше жандарды әлеуметтік оқшаулау, кемсітушілік, инфрақұрылымның тиісті деңгейде қолжетімсіздігі, еңбек нарығындағы тең емес мүмкіндіктер, арнаулы әлеуметтік қызметтердің сапасының төмендігі және басқа да мәселелер әлі де өзекті болып отыр. Оларды шешу үшін мемлекет жүйелі шараларды атқарып жатыр», – деді Светлана Жақыпова Орталық коммуникациялар қызметі алаңында өткен баспасөз мәслихатында.
Сонымен қатар, министр Қазақстанда 2025 жылға дейін мүгедектігі бар жандардың құқығын қамтамасыз ету және өмір сүру сапасын жақсарту жөніндегі ұлттық жоспар іске асырылып жатқанын еске салды.
«Әлеуметтік кодекс шеңберінде мүгедектігі бар жандарды әлеуметтік қорғаудың көп деңгейлі жүйесі енгізілді. Оның ішінде, мемлекеттік көмек және жәрдемақылар мен әлеуметтік төлемдер, әлеуметтік оңалту, арнаулы әлеуметтік қызметтер, жұмысқа орналастыру тағы сол сияқты қолдау түрлері бар», – дейді ведомство басшысы.
