Жаңа Салық кодексі қызметтің әртүрлі саласына өзгерістер енгізеді. Сонымен қатар олар қазақстандықтардың жалақысындағы салық базасының көлемін азайту мәселесін де қозғайды, деп хабарлайды kaskelen.kz порталы.
Қазақстанда жаңа Салық кодексінің жобасы қызу талқылануда. Көптеген жаңашылдықтарының арасында ол азаматтардың жалақысынан жеке табыс салығын (ЖТС) ұстау мәселелерін де қарастырады.
Экономика министрлігінің Telegram-дағы арнасының хабарлауынша, енді табысы төмен қазақстандықтар жеке табыс салығынан босатылады.
Сізге ұнауы мүмкін
Қандай өзгерістер болады?
Қолданыстағы стандарттарға сәйкес, жалақы салығын есептеу кезінде 14 АЕК мөлшерінде шегерім қолданылады (2024 жылы 51 688 теңге). Бұл ЖТС ұсталмайтын сома.
Демек салық жалақының 14 АЕК – зейнетақы жарналары, медициналық сақтандыру және т.б. шегерілгеннен кейін қалған бөлігінен алынады да, бұл сома 30 АЕК (110 760 теңге) дейін ұлғайтылады. Осылайша жалақының салық салынбайтын бөлігі ұлғаяды.
“Мұндай жағдайда, жалақыдан 10 пайыз мөлшерiнде зейнетақы жарналары бойынша шегерiмдердiң болуын ескере отырып, 123 мың теңгеге дейiнгi жалақы кезiнде ЖТС төленбейдi әрі төмен жалақы төленетiн қызметкерлер үшiн жүктеме азайтылады”, – делінген дереккөзде.
Осылайша, төмен жалақы алатын барлық жалдамалы қызметкерлердің жартысына жуығы табыс салығын төлеуден босатылатын болады.
