Төтенше жағдайлар министрлігі табиғи өрттер туындауы мүмкін өңірлерді атады, деп хабарлайды kaskelen.kz тілшісі.
Биыл Абай, Алматы, Жамбыл, Шығыс Қазақстан, Қызылорда, Павлодар, Атырау, Қостанай, Жетісу, Ақтөбе, Түркістан, Қарағанды және Батыс Қазақстан облыстарында орманды дала өрттері тіркелді.
“Өрттердің туындау жоспарында негізінен Ақмола, Шығыс Қазақстан, Қарағанды, Қостанай, Павлодар облыстары мен Абай облыстарында кездесетін қылқан жапырақты орман алқаптары ықтимал қауіпті болып табылады“,–деп хабарлады ТЖМ.
Ірі өрттермен күресу үшін ТЖМ, ІІМ, ЭЫДҰ, әкімдіктердің күштері мен құралдары көзделген, жалпы ел бойынша 50 мың адам және 10 мыңнан астам техника дайын. Астана, Көкшетау, Семей, Өскемен, Атырау, Павлодар қалаларында және Боралдай ауылында табиғи өрттерге жедел ден қою үшін “Қазавиақұтқару“ АҚ тікұшақтарының су төгетін құрылғылармен кезекшілігі қамтамасыз етілді. Өрт қауіптілігі жоғары класс кезеңінде ТЖМ күштері орманшылықтарда механикаландырылған күзет жүргізеді, өрт сөндірушілер ел бойынша 23 бекетте кезекшілікпен қамтамасыз етеді. Ғарыштық мониторингті қамтамасыз ету мақсатында “ Қазақстан Ғарыш Сапары “АҚ-мен шарттар жасалды, геосервистерде термалды нүктелердің координаттары (өрт ошақтарының ықтимал аймақтары) және мемлекеттік қор аумағындағы орманды-дала алқаптарының өртенген учаскелері туралы онкүндік ақпарат ұсынылады.
Сізге ұнауы мүмкін
ТЖМ Абай облысындағы орман өрттері оларға болжау мен ден қоюда, сондай-ақ мемлекеттік органдардың өзара іс-қимылында бірқатар жүйелі проблемаларды ашқанын мойындады.
“Бүгінгі таңда кемшіліктерді жою және болдырмау бойынша бірқатар ұйымдастыру шаралары қабылданды. Үкіметтің тапсырмасы бойынша орман мекемелерінің, әкімдіктердің және ТЖМ-нің табиғи өрттерді сөндіруге дайындығына тексеру жүргізілді. “Төтенше жағдайға (орман өртіне) ден қою кезінде басқару және өзара іс-қимыл алгоритмі” әзірленді. Үкімет ТЖМ бөлімшелері мен табиғат қорғау мекемелерінің жарақтандыру деңгейін арттыруды көздейтін 2023-2027 жылдарға арналған бірінші кезектегі шаралардың кешенді жоспарын бекітті. Ормандарды өрттен қорғау мәселелерін реттейтін кодекстер мен ережелерге өзгерістер мен толықтырулар енгізу бойынша жұмыс жүргізілді. Өрт қауіптілігі жоғары кезеңде ТЖМ күштерімен орманшылықтарда механикаландырылған күзет ұйымдастырылады“, – деп хабарлады ведомстводан.
ТЖМ азаматтарды табиғатта болған кезде өрт қауіпсіздігі шараларын қатаң сақтауға шақырады. Шөпті жағуға, сондай-ақ ормандарда, қалың бұталарда, дақылдардың жанында от жағуға тыйым салынады. Жанып тұрған сіріңкелерді, темекі тұқылдарын, шыны заттарды және өздігінен жанатын материалдарды тастамаңыз. Өрт болған жағдайда 101 және 112 телефондары бойынша дереу хабарлау қажет.
