Соңғы 6 айда елімізде есірткімен байланысты 4 мың құқықбұзушылық анықталды, деп хабарлайды kaskelen.kz тілшісі.
«Ішкі істер министрлігі жұмысының негізгі бағыттарының бірі – есірткі қылмысына қарсы күрес. Жыл басынан бері осы бағытта полицейлер 9 мыңнан астам алдын алу шарасын жүргізді. Алты айда 4 мың есірткі құқық бұзушылығы анықталды, оның ішінде 1600-ден астамы – қылмыс деп танылды», – деді ресми өкіл министрлікте өткен брифингте.
Спикердің сөзінше, жыл басынан бері заңсыз айналымнан 17 тоннадан астам есірткі, оның ішінде 355 кг синтетика тәркіленді.
Оған қоса, 31 жасырын есірткі зертханасы жойылған.
