18-20 тамыз ҚХР шекарасындағы “Бақты” өткізу пункті жұмыс істемейді, деп хабарлайды kaskelen.kz тілшісі ҚР ҚМ МКК баспасөз қызметіне сілтеме жасап.
Ағымдағы жылдың басынан бастап ЕАЭО кедендік шекарасының қазақстандық учаскесінде орналасқан өткізу пункттерін жаңғырту және техникалық жете жарақтандыру жөніндегі жоба шеңберінде Қазақстан-Қытай шекарасында орналасқан “Бақты” автомобиль өткізу пунктін қайта жаңарту жүргізілуде.
“Жұмыстарды жүргізу кестесі бойынша 2023 жылғы 18-20 тамыз аралығында өткізу пунктінің автомобиль жолы арқылы өтетін сыртқы сумен жабдықтау желілерін төсеу жоспарланған. Осыған байланысты, Комитет жоғарыда аталған жұмыстарды жүргізу барысында автокөлік құралдарының қозғалу мүмкіндігі болмағандықтан, 2023 жылғы 18-20 тамыз аралығында “Бақты” өткізу пунктінің жабылғаны туралы хабарлайды”, – деп атап өтті МКК.
Сізге ұнауы мүмкін
“Бақты” өткізу пунктінің ашылуы 2023 жылғы 21 тамыздан бастап штаттық режимде жоспарланып отыр.
