Сізге ұнауы мүмкін
ІІМ Әкімшілік полиция комитетінің төрағасы Қайсар Сұлтанбаев орталық коммуникациялар қызметінде өткен баспасөз мәслихатында көлік тоқтатуға негіз болатын полиция құжаттары туралы түсініктеме берді, деп хабарлайды kaskelen.kz порталы.
«Жол жүрісі туралы» Заңның 52-бабында көлік құралын тоқтатудың негіздері мен тәртібі, сондай-ақ полицияның іс-қимыл реттілігі белгіленген.
Мәселен, жедел алдын алу іс-шараларын жүргізу көлік құралын тоқтату үшін негіз болып табылады. Одан кейін полиция қызметкері жақындап, өзін таныстырып, қажет болса жүргізушіге қызметтік куәлігін көрсетіп, тоқтату себебін түсіндіруге міндетті.
Егер жүргізушінің заң талаптарын немесе жол ережелерін бұзуы сертификатталған арнайы техникалық құралдарға тіркелсе, жүргізушіге танысу үшін материалдарды көрсетеді.
Полиция қызметкері аталған әрекеттерді орындағаннан кейін жүргізуші қызметкердің заңды талаптарын орындауға міндетті.
Осылайша, полиция қызметкерінің міндеттерінде жүргізушіге жедел-профилактикалық іс-шараны өткізу туралы құжатты ұсыну туралы талап жоқ», – деді комитет басшысы.
Қайсар Сұлтанбаев кейбір блогерлердің жол сақшылары жүргізетін жедел іс-шаралар кестесін көпшілікке жариялауы қылмыскерлерге қолайлы екенін айтады.
«Мұндай әрекет әсіресе ұрлық, есірткі, браконьерлік сияқты қылмыстарды тоқтатуға кедергі келтіреді. Қарапайым тілмен айтқанда, біз кестені көпшілікке жариялау арқылы қылмыскерлерге жоспарымызды алдын ала хабарлаймыз деген сөз.
Профилактика мақсатымен өткізілетін іс-шараларды біз ақпарат құралдарында алдын ала жариялаймыз. Мысалы, «Абайлаңыз-балалар!», «Автобус», «Зорлық-зомбылықсыз 16 күн», «Мен сенің учаскелік инспекторыңмын» және басқалар», – деді ІІМ өкілі.
