Ішкі істер министрлігі Қазақстанда көліктерді тонировкалауға рұқсат етілген бе деген сұраққа жауап берді, деп хабарлайды kaskelen.kz порталы Kaztag-қа сілтеме жасап.
Жол қозғалысы ережелеріне сәйкес көліктер техникалық регламент талаптарына сай болуы керек.
“Кеден одағының Көлік құралдарының қауіпсіздігі туралы” техникалық регламенті бойынша алдыңғы жақ көріну керек”, – деп мәлімдеді ІІМ баспасөз қызметі.
Полиция жүргізушілерге екі мәселе туралы айтты:
Сізге ұнауы мүмкін
- Жүргізушінің алдыңғы көрінісіне кедергі келтіретін қосымша заттар немесе жабындардың тұруына жол берілмейді. Яғни пленка, перделер және жапсырмалар жабыстыруға болмайды. Бұл талап тек алдыңғы және алдыңғы бүйірлік терезелерге қатысты;
- Әйнекті дайындау кезінде ғана тонировкалауға рұқсат етіледі. Шыны шығарған компания оның жарық өткізгіштігін тексереді, ол кемінде 70% болуы керек және шыныға сертификат береді.
“Алдыңғы әйнек пен алдыңғы бүйірлік терезелерді қараңғылау тек көлікті өндіру кезінде ғана жүзеге асады. Бұл қауіпсіздікті және жүргізушілердің жолды жақсы көрінуін қамтамасыз етуге бағытталған”, – деп түсіндірді ІІМ.
