Швейцариялық зерттеушілер мен БҰҰ, ДДҰ сарапшылары орташа табысы төмен және орташа саналатын 136 елдің 4,4 миллиардтан астам тұрғыны БҰҰ-ның Жаһандық денсаулық сақтау мақсаттарында көзделгендей таза, қауіпсіз суға тұрақты түрде қол жеткізе алмайды деген қорытынды жасап отыр, деп хабарлайды kaskelen.kz тілшісі.
Ғалымдардың тұжырымдары Science ғылыми журналындағы мақалада жарияланды. Деректер 2020 жылғы болжамнан екі есе көп екенін атап өткен жөн.
«Таза және қауіпсіз суға қол жеткізу – БҰҰ Тұрақты даму мақсаттарының негізгі бағыты. Біздің есептеулеріміз көрсеткендей, табысы төмен және орташа елдердегі әрбір үшінші тұрғын таза суға тұрақты қол жеткізе алады. Проблема судың қалдық заттармен ластануынан туындап отыр», – делінген зерттеуде.
Зерттеулерге сүйенсек, Оңтүстік Азия мен Сахараның оңтүстігіндегі Африка елдерінде халықтың 75%-дан астамы таза суға тұрақты қол жеткізе алмайды екен. Мұнда су тұрмыстық және үй жануарлары қалдықтарынан ластанатын көрінеді.
Сізге ұнауы мүмкін
БҰҰ-ның Тұрақты даму мақсаттарын жүзеге асыру барысында аталған елдердегі көрсеткіштер жақсарып, әртүрлі ішек инфекцияларымен сырқаттанатындардың саны азаяды деп күтіліп отыр.
