Орташа жылдамдықты асырғаны үшін айыппұл салу жол қауіпсіздігін қамтамасыз ету мақсатында енгізіледі. Бірақ әзірге мұндай шара барлық жолдарда қолданыла бермейді.
4 желтоқсанда қалааралық жолдарда орташа жылдамдықты арттырғаны үшін айыппұл салуды көздейтін заң күшіне енді. Ережені бұзған қазақстандықтарға орташа жылдамдық түріне байланысты 5-40 АЕК (2024 жылы 18 460 теңгеден 147 680 теңгеге дейін) айыппұл салынады.
Ал 2025 жылы айлық есептік көрсеткішпен (3 932 Теңге) бірге айыппұл сомасы 19 660 теңгеден 157 280 теңгеге дейін өседі.
Сізге ұнауы мүмкін
Айыппұлдың мұндай түрі нақты қай уақытта және қандай бағытта салынады?
Ұлттық компанияның мәліметі бойынша, автомобильдің орташа жылдамдығы – бұл көліктің ұлттық жолдың қоғамдық бөлігінен шығып, көлікпен жүріп өткен уақытты бөлу жылдамдығы.
“Орташа жылдамдық қала сыртында айналма жолдары жоқ тура жолда автоматты түрде есептеледі. Ол үшін арнайы куәлігі бар бақылау-өлшеу құралдары пайдаланылады. Орташа жылдамдық автомобиль жолдарында белгіленген жылдамдықтан аспауға тиіс”, – деп жауап берді “ҚазАвтоЖол”.
Мысалы, егер жолдағы қозғалыс жылдамдығы сағатына 110 шақырымнан аспауы керек болса, онда түзу жолмен одан да жоғары жылдамдықпен жүретін автокөлік иелеріне айыппұл салынады.
Қандай жолдарда мұндай айыппұл салынады?
Компанияның мәліметінше, орташа жылдамдықты реттеу жалпы ұзындығы 392 шақырымды құрайтын ақылы жолдардың үш учаскесіндегі сынаққа енгізілген. Оларға келесі жолдар кіреді:
“Орал – РФ шекарасы (Самараға бара жатқан жол)” – “Самара – Шымкент” ақылы автожолының 56 км;
“Орал – РФ шекарасы (Озинки қалашығы)” – “Орал – Тасқала – РФ шекарасы (Озинки)” автожолының 99 км;
“Тараз – Қайнар” – “Алматы – Ташкент – Термез” автожолының 237 км.
Ақылы жолдардың бойына орнатылған бұл бейнекамералар бірыңғай әкімшілік құқық бұзушылық тізіміне енгізілген. Олар автомобильдердің орташа қозғалыс жылдамдығын анықтайды.
“Болашақта осы бағдарламаны халықаралық және республикалық маңызы бар ақылы автожолдардың бәрінде сынақ түрінде қосу көзделіп отыр”, – деп хабарлады “ҚазАвтоЖол” мамандары.
