Биылғы жылы Kids Go Free мемлекеттік бағдарламасы аясында ел ішінде 2172 бала тегін саяхаттады, деп хабарлайды kaskelen.kz тілшісі.
Туроператорлар турларды балалар авиабилеттерінің құнын есептемегенде 415,6 млн теңгеге сатты. 114,5 млн теңге сомасындағы авиабилеттің құнын мемлекет өтеген. Бұл сатылған турдың жалпы көлемінің 28% құрайды.
Бағдарлама ішкі туризм мен отбасылық саяхатты дамытуға бағытталған. Яғни, бұл қазақстандық отбасыларға еліміздің ең көрікті және қызықты жерлерін көруге және тануға мүмкіндік береді.
Сізге ұнауы мүмкін
Алакөл көлінің жағалауы “Kids Go Free” бағдарламасының ең көп сұранысқа ие бағыты ретінде алдыңғы қатарда. Өткен жылмен салыстырғанда Биыл Алакөлге сатылған турлар саны 20%-ға өсті. Яғни, биыл Алакөлге 700-ден астам бала тегін барған.
Келесі кезеңді Алматы қаласы мен Алматы облысының маңы алып жатыр. Бұл аймаққа келушілер саны өткен жылмен салыстырғанда 24%-ға өсті. Биыл Алматы қаласы мен Алматы облысына 330-дан астам отбасы келді. Балалар авиабилетінің құнын өтеу сомасы 41,6 млн теңгені құрады, турлар 135,3 млн теңгеге сатылды.
Щучинск-Бурабай курорттық аймағы мен Астана қаласы да Kids go Free бағдарламасының ең танымал бағыттарының бірі болып табылады. Мұнда жазғы және қысқы демалыс үлкен сұранысқа ие.
Айта кетейік, 2023 жылы бағдарлама аясында турларға 920 өтінім мақұлданып, 1975 бала ел ішінде тегін саяхаттаған.
