Наурыз айының қорытындысы бойынша Қазақстанда қайталама тұрғын үй нарығында пәтер бағасы біршама төмендеді, деп хабарлайды kaskelen.kz порталы.
Krisha.kz сайтының мәліметінше, 2024 жылдың қыркүйегінен бастап тұрғын үй бағасы айына орта есеппен 1% қымбаттаса, қазір өсім небәрі 0,4%.
Қазақстанда пәтер құны Тараз мен Қостанайда 2,2%, Ақтөбеде 2,1% жоғарылады.
Сізге ұнауы мүмкін
Ал ірі қалаларда керісінше баға төмендеді. Мәселен, Шымкенте жылжымайтын мүлік нарығындағы шаршы метрдің құны минус 2,7% болды. Алматыда пәтерлер 0,6%, Атырауда 0,4% арзандады.
Алайда бір жыл ішінде баспананың орташа бағасы 6% өсті. Жылдан жылға баға төмендеп келе жатқан жалғыз қала Қарағанды, онда пәтерлер 1,4% арзандады.
Дегенмен басқа елді мекендерінде өсім байқалады. Мәселен, Ақтау қаласында жылжымайтын мүлік бағасы 17,8% өсті.
Астана, Орал, Петропавл және Қостанай қалаларында өсім 9,4-тен 11,3%-ға дейін болды. Алматыда қайталама тұрғын үй құны бір жылда 4,2%, Шымкентте 6,2% өсті.
Еске сала кетейік, бұған дейін Ұлттық статистика бюросы 2025 жылдың ақпан айындағы Қазақстандағы тұрғын үй бағасының индексі мен құны туралы мәліметтерді жариялаған еді.
