Баланы дүниеге әкелу үлкен қуаныш болғанымен, ұйқысыз түндер мен күтім жасау біраз жүйкеңізді жейтіні рас. Алайда Мичиган университетінің ғалымдары бала сүйе алмаған адамдардың ұзақ өмір сүрмейтінін мәлімдеді, деп хабарлайды kaskelen.kz тілшісі Доктор Питер басылымына сілтеме жасап.
Зерттеушілер Ұлыбританияда тұратын 276 000 адамның генетикалық және медициналық ақпаратына талдау жасаған. Нәтижесіне сәйкес олар баласы бар адамдардың ұзақ өмір сүретінін анықтады.
“Балалы болу ұзақ жасауға септігін тигізеді. Біз 76 жасқа дейін өмір сүру ықтималдығын өлшедік. Баласы барлардың балалары жоқтарға қарағанда 5-10% бірқатар артықшылықтары бар. Екі баланы өсіріп, тәрбиелегендер ең ұзақ өмір сүретінін анықтадық. Ал бала саны екеуден артық немесе кем болса ондай адамдардың өмір сүру ұзақтығы қысқарады”, – зерттеу авторларының бірі, профессор Цзянчжи Чжан.
Зерттеушілер мұны әлеуметтік қарым-қатынастың жоғарғы деңгейімен байланыстырады.
Ата-ана балалардың тәрбиешілерімен, мұғалімдерімен және басқа балалардың ата-анасымен байланыс орнатады. Үш немесе одан да көп баласы бар отбасы қаражатты да көп қажет етеді. Осы тұста күйзелістің де болатынын ұмытпаған жөн. Сол себепті ғалымдар екі баласы барлар көпбалалыларға қарағанда ұзақ өмір сүреді деген қорытындыға келді.
