Қазақстанда мемлекеттік медициналық сақтандырудың ең жоғары жарнасы бес есе арттыру қарастырылуда. Алайда ол жалақысы 850 000 теңгеден асатын қызметкерлерге ғана қатысты, деп хабарлайды kaskelen.kz.
Денсаулық сақтау министрлігі міндетті әлеуметтік медициналық сақтандыру жүйесіне (МӘМС) жарна мен аударымдарды есептеу үшін ең төменгі жалақыны (ЕТЖ) 10-нан 50-ге дейін ұлғайту ұсынылған заң жобасын жариялады.
Қабылданған жағдайда, МӘМС-ке ең жоғарғы аударым жұмыс берушілер үшін 2024 жылы 25 500 теңгеден 127 500 теңгеге дейін, ал жалдамалы қызметкерлер үшін жарна 17 000 теңгеден 85 000 теңгеге дейін өседі. Сәйкесінше сома бес есе артады.
Сарапшылар жарнаның бұлай күрт өсуі қазақстандық салық төлеушілерге салмақ салуы мүмкін деп санайды. Алайда мемлекеттік әлеуметтік медициналық сақтандыру қоры өкілдерінің (МӘМС) айтуынша, бұл ұсыныс халықаралық тәжірибені ескере отырып жасалған және азаматтардың әл-ауқатына айтарлықтай әсер етпейді.
МӘМС есептеуі бойынша мөлшерлемені көтеру барлығына әсер етпейді. Себебі азаматтардың көбі (91%) ең жоғары мөлшерлемені қолданатындай үлкен жалақы алмайды. Қазір еліміздегі қызметкерлердің тек 9%-ы 10 ЕЖЖ немесе 850 000 теңге алады.
Қор өкілдерінің сөзінше, бұл шара медициналық көмектің қолжетімдігін арттыруға, оның сапасын жақсартуға ғана емес, сонымен қатар әлеуметтік медициналық сақтандыру жүйесінің ортақ жауапкершілік қағидатын сақтауға мүмкіндік береді.
