Қазақстандықтар коммуналдық қызметтер үшін өтемақы ала алады. Қазіргі таңда жартылай субсидиялау аз қамтылған отбасылар үшін қолжетімді. Ол үшін онлайн немесе халыққа қызмет көрсету орталығына өтініш беру керек, деп хабарлайды kaskelen.kz тілшісі 31-арнаның “Информбюро” бағдарламасына сілтеме жасап.
Зрина Харисова – көп балалы ана. Әйел 4 баласын тәрбиелеп отыр. Екі жыл бұрын ол пәтер сатып алған екен. Содан соң коммуалдық қызмет үшін субсидия алуға өтініш қалдырған. Бүгінде әр тоқсан сайын су, газ, жарық пен жылуды тұтынуына қарай өтемақы алып отырады.
“Тоқсан сайын құжаттарды тапсырамыз. Сосын ақша аударады. Сома коммуналдық қызметті тұтынғаныңа қарай белгіленеді: қанша жарық, су тұтынғаныңа. Мен ең аз дегенде 38 мың теңге болды”, – деді Шымкент тұрғыны Зарина Харисова.
Әлеуметтік аз қамтылған қазақстандықтар коммуналдық қызмет үшін жартылай субсидиялау түріндегі тұрғын үй көмегін ала алады. Қаржы жергілікті бюджеттен жеке баспанасы бар немесе үйді жалға алып отырғандарға бөлінеді.
Сізге ұнауы мүмкін
“Мысалы, менің еңбекақым 100 мың теңге. Бұл 100 мың теңгенің 5%-ын коммуналдық қызметке жұмсаймын. Егер коммуналдық қызмет 5%-дан асып кетсе, мұны мемлекет субсидиялайды. Барлық коммуналдық қызметтердің бағасы отбасының әр мүшесіне бөлу нормативі арқылы есептеледі”, – деді әлеуметтік төлем белгілеу бөлімінің басшысы Күләш Жақашева.
