2024 жылдан бастап автокөлікті міндетті сақтандырудың құны өзгереді. Мұны қаржы нарығын реттеу және дамыту агенттігі мәлімдеді, деп хабарлайды kaskelen.kz.
Енді сақтандыру құнына көлік тіркелген өңірдегі апатты жағдайлардың деңгейі әсер етеді. Мысалы аймақта апатты оқиға аз болса сақтандыру тарифі де неғұрлым аз болады.
Агенттік 2024 жылға арналған тарифті бекітіп қойды. Олар көлік тіркелетін әрбір өңірге қолданылады. Болжам бойынша, еліміздің 11 өңірінде автокөлікті сақтандыру құны арзандамақ. Тағы жеті аймақта сақтандыру бағасы, керісінше, қымбаттауы мүмкін. Ал Қарағанды және Ұлытау облыстарында тариф өзгеріссіз қалады деп болжанды.
“Автокөлікті сақтандыру құнын анықтаудың жаңа тәртібі өңірдегі апаттылық деңгейіне қарай оларға түзету коэффициенттерін қолдану арқылы көлік құралы тіркелген өңірдің өлшемін түзетуді көздейді. Түзету коэффициенттері сақтандыру жөніндегі бірыңғай дерекқордағы автоматтандырылған есептеу арқылы жыл сайын айқындалмақ. Бұл ретте барлық қолданыстағы өзге де өлшемшарттар, оның ішінде көлік жүргізу тарихы сақталады”, – деп мәлімдеді қаржы нарығын реттеу және дамыту агенттігі.
