Қайрат Боранбаевтың активтерін мемлекетке қайтару жөніндегі шараларды Қаржы мониторингі агенттігі қабылдауда, деп хабарлайды kaskelen.kz тілшісі.
Мемлекетке кеңселер, сауда ойын-сауық орталығы, сондай-ақ фитнес-зал желісі беріледі.
“Оның ішінде құны 33,75 млрд теңге болатын нысандар, атап айтқанда, Алматы қаласының Алтын алаңында орналасқан” Алмалы” СОО ғимараты, сондай-ақ жылжымайтын мүлікті жалға беру және басқарумен айналысатын “Unity Hall” ЖШС. “Алматы Тауэрс” бизнес орталығында орналасқан нысанның ауданы 11 мың шаршы метрден асады”, – делінген хабарламада.
АФМ атап өткендей, “Fitnation” фитнес-клубтар желісі де мемлекет пайдасына берілді. Нысандар Астана, Алматы және Қостанай қалаларында орналасқан.
“Осы объектілердің барлығын қолданыстағы заңнамаға сәйкес бос уақытты, оңалту және білім беру орталықтарын ұйымдастырумен әлеуметтік мақсаттарда пайдалану жоспарлануда”, – дейді Қаржы мониторингі агенттігі.
Бұған дейін Қайрат Боранбаев мемлекетке шетелден 66 млн доллардан астам қайтарғаны белгілі болды.
2023 жылғы 15 қыркүйекте Қайрат Боранбаев алты жылға бас бостандығынан айырылды.
