Қазақстандық мектептердің ас мәзіріне 50 ұлттық тағам енгізуді жоспарлап отыр, деп хабарлайды kaskelen.kz порталы.
Оқу-ағарту бірінші вице-министрі Наталья Жұмаділдаеваның сөзінше, өңірлерде шығарылған отандық өнімдерді пайдалана отырып, мектеп тамақтануына ұлттық тағамдарды енгізу – балалар денсаулығын сақтаудағы маңызды қадамдардың бірі.
“Әрбір мектеп оқушылардың “салауатты өмір салтын ұстанатын мектебіне” айналуы тиіс. Мектептің кез-келген қызметі сауықтыру-педагогикалық бағытта болады. “Ұлттық мектеп асханасы” жобасы ұлттық тағам мәдениетін қалыптастыруға және мектептің ас мәзіріне 50 ұлттық тағамды енгізуге мүмкіндік береді. Бұл көп ғасырлық дәстүр бойынша жасалған мәзір, ежелден келе жатқан тәжірибенің нәтижесі”, – деді Наталья Жұмаділдаева.
