Табиғи монополияларды реттеу Комитеті мен оның аумақтық бөлімшелері бүкіл Қазақстан бойынша жылу энергиясын есепке алу аспаптары жоқ тұтынушылар үшін жылумен жабдықтау қызметтерінің құнын қайта есептеу жөніндегі жұмысты аяқтады, деп хабарлайды kaskelen.kz.
Ведомствода атап өткендей, қайта есептеу нәтижелері бойынша қаражатты есептеуді қайтару тұтынушылардың дербес шотында жаңа жылыту кезеңінде (2023-2024 жылдар) не күнтізбелік жылда (2023 жылдың соңына дейін) аванс (сальдо) түрінде жеке жолмен көрсетіледі.
“2022-2023 жылдар аралығында жылумен жабдықтау саласында қызмет көрсететін табиғи монополиялар субъектілері ҚҚС есебімен жалпы сомасы 957 807, 22 мың теңгеге есептеу аспаптары жоқ тұтынушылар үшін жылу энергиясы үшін төлемақыны қайта есептеді”, – делінген хабарламада.
- Астана қаласы бойынша – 514,491 мың теңге;
- Алматы қаласы бойынша – 15 876,45 мың теңге;
- Абай облысы бойынша – 755,134 мың теңге;
- Алматы облысы бойынша – 9 199,56 мың теңге;
- Ақмола облысы бойынша – 18 924,83 мың теңге;
- Атырау облысы бойынша – 11 640,57 мың теңге;
- Ақтөбе облысы бойынша – 6 211 мың теңге;
- Шығыс Қазақстан облысы бойынша – 445 840,44 мың теңге;
- Жамбыл облысы бойынша – 79 096,62 мың теңге;
- Батыс Қазақстан облысы бойынша – 1 976,25 мың теңге;
- Қарағанды облысы бойынша – 338 261,08 мың теңге;
- Қызылорда облысы бойынша – 21 627,50 мың теңге;
- Маңғыстау облысы бойынша – 1 214,63 мың теңге;
- Павлодар облысы бойынша – 2 044,91 мың теңге;
- Солтүстік Қазақстан облысы бойынша – 4 623,75 мың теңге.
Бұл ретте Шымкент қаласының, Жетісу, Ұлытау, Қостанай, Түркістан облыстарының тұтынушылары үшін қайта есептеу жүргізілмейді, өйткені жылу энергиясымен жабдықтау жөніндегі реттеліп көрсетілетін қызметтің құны сыртқы ауаның нақты температурасын ескере отырып жүргізілді.
Бұған дейін Алматы қаласы Табиғи монополияларды реттеу комитетінің департамент басшысы Әсел Буденеева “Инвестиция орнына тариф” бағдарламасының нәтижелері бойынша алматылықтар не күтетінін айтып берген болатын.
