Алматы қаласы Медеу ауданындағы пәтерлердің бірінен «маугли балалар» табылды деп хабарлайды Kaskelen.kz тілшісі Polisia.kz порталына сілтеме жасай отырып.
Пәтерден табылған үш бала да ата-ананың қарауынсыз өмір сүрген.
Үш баланың екеуі 2016 жылғы болса, кішкентай ұл бала 2020 жылы туылған.
Сізге ұнауы мүмкін
Көршілерінің айтуы бойынша, балалар адам өмір сүре алмайтын жағдайда тұрған.
«Олардың пәтерлері қоқысқа толы болған. Нәжіс пен жағымсыз иіс қолқаны алады. Тіпті кенже баланың мүлде киімі болған жоқ» дейді ол.
Тексеру барысында ең кіші балада аутизм ауыруы болуы мүмкін екені анықталды.
«Баламен жұмыс жасау керек. Ол өте арық. Егер бірдеңе көңілінен шықпай қалса, басын қабырғаға ұрып, мазасы қашады. Бала олай туылғанына кінәлі емес.»,- дейді көршісі.
Бірнеше күн бұрын үш бала да Алматыдағы қиын жағдайдағы балаларды қолдау орталығына жеткізілді.
«Балалардың бізге келгендегі күйін көрсеңіз шошып кетер едіңіз. Балада қоғам туралы түсінік мүлдем жоқ. Ол тіпті қасықты қалай ұстап, тамақ жеуді білмейді»,- дейді балаларға қолдау көрсету орталығы.
Орталықтың мәліметінше, балалардың анасы ішімдікке тәуелді болып қалған. Сондықтан бала тәрбиесімен мүлдем айналыспаған көрінеді. Ал әкесі мүлдем араласпайтын көрінеді.
Оның айтуынша, балалар бейімдеу орталығында алты айға дейін бола алады. Әрі қарай олардың тағдырын қорғаншылық органдары мен сот шешеді. Тіпті анасы кедергі болса, балаларды қайтарып беруі мүмкін.
