Биыл әскери дайындыққа 3 мың әскери міндетті шақырылады. Қорғаныс министрі Руслан Жақсылықовтың тиісті бұйрығы “Ашық НҚА” порталында жарияланды. Құжат 7 ақпанға дейін талқылауға қолжетімді, деп хабарлайды kaskelen.kz порталы.
Әскери дайындық 2007 жылдан бастап жыл сайын өткізіліп келеді және ұзақтығы 30 күнге дейін. Дайындыққа қатысудан жалтару 5 айлық есептік көрсеткіш (19 660 теңге) мөлшерінде айыппұл салуды көздейді.
Әскери дайындық кезінде әскери қызметшілердің жұмыс орындары мен лауазымдары сақталады. Оларға орташа жалақы төленеді, ал жұмыс істемейтіндерге ең төменгі жалақы мемлекеттік бюджет есебінен төленеді.
Сізге ұнауы мүмкін
Әскерге шақырылушыларды қабылдау пунктіне жеткізу және оларды қайтаратын көлік қызметтері, сондай-ақ тамақтандыру Қорғаныс министрлігінің қаражаты есебінен жүзеге асырылады. Әскерге шақырылушылар казармада ұсталады. Оларды бөлімшеден шығаруды рота командирлері жүзеге асырады.
Айта кету керек, әскери дайындықтың негізгі мақсаты – әскери бөлімдердің жауынгерлік және жұмылдыру дайындығын арттыру, бейбіт уақытта қысқартылған құрамаларда ұсталатын бөлімшелер үшін дайын және жинақталған әскери ресурстарды қалыптастыру.
2023 жылы Қорғаныс министрлігі 1,5 мың қазақстандықты әскери дайындыққа, 2024 жылы – 3 мың адамды шақырды.
Естеріңізге сала кетейік, бұған дейін 22 қаңтарда Мәжіліс депутаттары резервтік қызмет туралы заң жобасын мақұлдаған болатын. Оған сәйкес, 2025 жылы Елдегі запастағы әскери қызметке 2000 адам шақырылады. Заң жобасында “запастағы әскери адам” деген жаңа ұғым енгізілген, ол сабақтар немесе жиындар кезінде сарбаз мәртебесін алады.
