Бұл туралы кеншілердің отбасымен кездескен бала құқықтары жөніндегі уәкіл Динара Зәкиева айтты, деп хабарлайды kaskelen.kz.
Оның айтуынша 9 кеншінің артында кәмелетке толмаған балалары қалған.
«Отбасылардың қазір басынан өтіп жатқан қиындықты сөзбен жеткізу мүмкін емес. Бір кеншінің 2 жасар баласы әкесін жұмысқа жібергісі келмей, аяғынан ұстап тұрған суреті қалыпты. Тағы бір кеншінің анасы ұлының жұмысқа кетерінде мәңгіге кетіп бара жатқандай қоштасқанын есіне алып жатыр», – деп жазды омбудсмен әлеуметтік желіде.
Динара Зәкиева балаларға психологиялық көмек ұйымдастырылып жатқанын жеткізді.
