Тележүргізуші Әсел Асқар мен бағдарламаға қонақ ретінде шақырылған үш әйелі бар Ақылбек Меңдіғалиұлы арасындағы дау қызу талқыға түсті, деп хабарлайды Kaskelen.kz
“Үш әйелім бар. Егер әйелден рұқсат сұрайтын болсам, онда несіне мен еркек боп отырмын? Олардың маған рұқсатының керегі не? Мен үшін мына үш қатын да аз.
Үш әйелі бар кәсіпкер әйел тек ер адамның рахаты үшін жаратылған деп ойлайтынын жасырмады.
“Егер ер адам қаласа, үш-төрт әйел алуға қақылы” дейді. Әйелдің мағынасын білесіз бе, не ол? Әйелдер дандайсып, өзі шешім қабылдаса, рұқсатсыз кете беретін болса, ол әйелдің көп ақша табуының белгісі. Сен ұрыс-керіс шығарып жатқан жоқсың, бірақ амалыңмен білдіріп отырсың. Қойныңдағы қатыныңның не істеп жүргенін білмесең, не үшін ерсің? Әйел ер адамның қуанышы, рахаты, жеңілдігі үшін жаратылды. Өйткені, ризық-несібенің барлығы еркектің мойнында”, – деді ер адам.
Сонымен қатар ер адам қыздарын тоқалдыққа беретінін де айтты.
“Мен әйелдеріме “Қыз тусаңдар, екінші, үшінші, төртінші әйел қылып күйеуге беремін” деймін. Бірінші қылып та бермеймін. 18 жасында байға беремін”, – деді бағдарламаға келген ер адам.
Ер адамның бұл сөзі желі қолданушыларының ашуына тиген.
“Әйелді адам құрлы көрмейді”, “Әйелдермен сөзге таласып отыр”, “Тиран екені көрініп тұр”, “Үш әйелді қалай бағып отыр?”, “Осындай еркектен Құдай сақтасын”, “Мұндай жардан бала туған әйелдерге обал”, “Дінді былғап жүр ғой”, – деп жазды желідегілер.
