2022 жылдың басынан бастап мемлекетке 7,8 млн га пайдаланылмаған және ауыл шаруашылығы жерлерін бұза отырып жер қайтарылды, деп хабарлайды kaskelen.kz порталы Үкіметтің баспасөз қызметіне сілтеме жасап.
Соның ішінде қайтарылды:
- Қарағанды облысында – 1,5 млн га ауыл шаруашылығы жерлері;
- Қостанай облысында – 738 мың га;
- Ақтөбе облысында – 745 мың га;
- Түркістан облысында – 631 мың га;
- Павлодар облысында – 532 мың га.
Республика бойынша жер пайдаланушыларға қатысты 5,5 млн га алаңда 2410 жоспардан тыс тексеру жүргізілді, тексеру нәтижелері бойынша жер заңнамасын бұзушылықтарды жою туралы 1597 ұйғарым енгізілді. 246 материал бойынша 240,9 мың га соттың бақылауында.
Сізге ұнауы мүмкін
Тиісті шаралар қабылданғаннан кейін жер пайдаланушылар 2,7 млн га алқапта өздерінің ауыл шаруашылық жерлерін игеруге кірісті.
Жүргізілген жоспардан тыс тексерулердің қорытындысы бойынша әкімдіктердің 526,3 мың гектар алқапта ауыл шаруашылығы жерлерін беру туралы 515 заңсыз шешімі анықталды, оның ішінде 135 шешімнің күші жойылды, қалған 380 шешімнің күшін жою бойынша жұмыстар жүргізілуде.
