Ақтауда төбелескен әйел мен жас қыздың бейнеролигі белсенді талқылануда, деп хабарлайды kaskelen.kz порталы “Ладаға” сілтеме жасап.
Төбелес 34-ші шағын аудандағы №10 үйдің ауласында болды. Желіде жарияланған кадрларда әйел мен жасөспірім бір-бірінің шаштарын тартып, сүйреп бара жатқанын көруге болады. Оларды басқа балалар қоршап алады. Жас қыздың анасының айтуынша, көрші әйел қыздың мүгедек баласын ұрып-соққан.
Маңғыстау облысы полиция департаментінің баспасөз қызметі 17 қыркүйекте сағат 18:28 шамасында көмек сұрап шақыру түскенін хабарлады. Полицияға хабарласқан қала тұрғынының айтуынша, көршісі мүмкіндігі шектеулі қызын ұрып-соққан.
“Шақыруға шыққан учаскелік инспекторлар фактіні растады. Біреудің кәмелетке толмаған қызын ұрып-соққан 36 жастағы әйелге ҚР ӘҚБтК 73-1 бабының 1-бөлігі және 127-бабының 1-бөлігі бойынша әкімшілік хаттамалар жасалды”, – деп хабарлады полиция.
