Қоғамдық даму басқармасына қарасты ведомстволық мекеме қызметкерлерінің жалақысы өседі. Бұл туралы қалалық мәслихаттың кезекті отырысында айтылды, деп хабарлайды kaskelen.kz порталы.
Алматы қаласы қоғамдық даму басқармасының басшысы Айдар Есенбековтың айтуынша, басқармада “Өңірлік коммуникациялар орталығы”, “Қоғамдық келісім”, “Қоғамдық даму орталығы” коммуналдық мемлекеттік мекемесі жұмыс істейді.
Бұл мекемелердегі орташа айлық 167 мың теңгені құрайды. Жалақының төмен болуына байланысты шұғыл түрде кадрлардың жетіспеушілігі және жұмыстың жеткіліксіздігі байқалады. Бұл жұмыс барысына теріс әсер етеді.
«Басқарма қарамағындағы коммуналдық мекеме қызметкерлерінің еңбекақысына қосымша ынталандыруды қарастыруды ұсынып отырмыз. Сыйақы төлеу арқылы жалақы мөлшерін 50%-ға көтереміз. Бұл басқарма алдына қойылған міндеттерді орындау сапасына оң әсер ететін білікті кадрларды тартуға мүмкіндік береді», – деді ол.
