Алматы облысында үш кісіні өлтірді деген күдікпен ер адам іздестірілуде деп хабарлайды Kaskelen.kz
Алматы облыстық полиция департаментінің мәліметінше, 14 қыркүйек түнгі сағат 23:24 шамасында Іле аудандық полиция басқармасына Ащыбұлақ ауылындағы өрт туралы хабар түскен.
Сағат 22:55-те үйдің шатыры жанғаны байқалған. Өрт сағат 23:45-те оқшауланған. Ал үйде зорлық-зомбылықпен өлтірілген екі бала мен бір әйел анықталды. Оларды әйелдің азаматтық некедегі күйеуі өлтірген деп күдікке ілінді.
“42-дегі әйелден оң жақтағы мойын аймағының терең ашық кесілген жарасы, беттің бірнеше кесілуі, сол жақ иек, іштің тесілген жарақаты; 13-тегі қыздан іштің тесілген жарақаты, оң иықтың жарасы, ал жеті жастағы ұлдан сол жақтағы мойынның терең ашық жарақаты анықталды”, – деп жазды Дина Таңсәрі.
“Бұл факт аудандық полицияда ҚК 99-бабы “Кісі өлтіру” бойынша тіркелген. Қазіргі уақытта күдікті адамды анықтау және оны ұстау бойынша жедел-іздестіру жұмыстары жүргізілуде. Барлық аудандық полиция бөлімшелеріне және көршілес өңірлердің ПД-на бағдарлар жолданды”, – деді Алматы облысы ПД бастығы Бауыржан Әленов.
Түпкілікті процестік шешім қабылдау үшін барлық қажетті сараптамаларды тағайындаумен тергеу іс-шаралары жүргізілуде.
