Алматының индустриалды аймағында жұмыс істейтін кәсіпорындар 2023 жылы 801,3 млрд теңгенің өнімін өндірген. Оның ішінде өндіріс қуаттылығы бойынша машина жасау саласы алда тұр, деп хабарлайды kaskelen.kz тілшісі Алматы қаласы Кәсіпкерлік және инвестициялар басқармасына сілтеме жасап.
– 2024 жылдың тамыз айындағы жағдай бойынша Алматы қаласында ірі салалардың бірі – машина жасау, атап айтқанда, автомобиль өндірісі саласы. Тек 2023 жылдың ішінде 48 857 көлік құралы шығарылды, – деп хабарлады басқармадан.
Сонымен қатар, Кәсіпкерлік басқармасының мәліметі бойынша, соңғы 3 жыл ішінде, яғни 2021-2024 жылдары Алматы қаласында 57 кәсіпорын іске қосылған. Оның ішінде 27 кәсіпорын өткен жылы ашылды.
