Алматыда үй жануарларын тегін зарарсыздандыру және піштіру бағдарламасы жүріп жатыр. 1 маусымнан қазіргі дейін 2,5 мың үй жануары зарарсыздандырылып, 2 мың жануар чиптелген, деп хабарлайды kaskelen.kz порталы.
Алматы қаласы Кәсіпкерлік және инвестициялар басқармасының мәліметінше, мегаполисте қаңғыбас жануарлардың санын ізгілікі түрде реттеудің 2021-2024 жылдарға арналған бағдарламасы шеңберінде үй жануарларын тегін зарарсыздандыру және піштіру бағдарламасы өтуде. Жоба аясында шамамен 9000 ит пен мысықты қамту жоспарланып отыр.
– Бағдарламаға қатысуға деректер қорында сенімді есепке алу үшін ветеринариялық паспорты мен микрочипы бар жануарлар жіберіледі. Микрочипы мен паспорты болмаған жағдайда, оларды емханадан қосымша ақы төлеп алуға болады. Иттер мен мысықтарды зарарсыздандырудың жас шектеуі 7 айдан 9 жасқа дейін, төбет иттер мен ер мысықтарды зарарсыздандырудың жас шектеуі 6 айдан 9 жасқа дейін, – деп хабалайды басқарма баспасөз қызметі.
1 маусым күні басталған бағдарлама жыл соңына дейін жалғасады.
Иттер мен мысықтарды тегін зарарсыздандыруға және піштіруге арналған ветеринариялық емханалардың мекенжайлары:
«Mastino» ветеринариялық емханасының мекенжайы: Есенберлин көшесі, 217.
телефоны: 8 (700) 327-44-89
«Айболит» ветеринариялық емханасының мекенжайы: Абай даңғылы, 26.
телефон: 8 (708) 972 02 07
«VET ELITE» ветеринариялық емханасының мекенжайы: Күдерин көшесі, 6.
телефон: 8 (700) 776 62 50
СК «V-GROUP INVEST» ветеринариялық емханасының мекенжайы: Сейдімбек көшесі, 26.
телефон: 8 (707) 523-73-73
«ALLVET» ветеринариялық емханасының мекенжайы: Төле би көшесі, 279 «Б».
телефон: 8 (747) 438 38 87
