Алматыда қыз көшеде оны аңдып жүрген белгісіз жігітке шағымданды. Жігіт қызды аңдып, содан кейін оның артынан подъездге кіріп, шабуыл жасады. Бақылау камераларына түскен оқиғаның бейнесін Almaty krispi желілік басылымы жариялады, деп хабарлайды kaskelen.kz порталы Almaty Krispi инстаграмына сілтеме жасап. Видеоны сілтемеге өту арқылы көре аласыз.
Оқиға 31 шілдеде алматылық қыздың жұмысынан үйіне оралған кезде болған.
“Бұл жігіт менің артымнан еріп, подъездге кірді. Мен үйіме енді кірейін дегенде артымнан келіп жармаса кетті, дәлірек айтсам кеудеме қол сұға бастады. Ол бұдан әрі қол тигізбеуі үшін, еденге отырып алып және оның қолын алып тастағым келді. Сосын есікті ұра бастадым, себебі іште отбасым болды.
Қорыққаннан жігіт қашып кетті, Мен үйге әрең кіріп, анама не болғанын айттым. Анам оны табу үшін сыртқа шықты. Кейін біз полицияға хабарластық, олар саусақ іздерін алды. Қайта бізде кіреберісте және сыртта камера бар.
Ол 02 тамыз күні ұсталды. Менің ісім екі ай бойы қаралып, 22 тамыз күні жабылды. Бірақ мен бұны кеше ғана білдім. Себебі мен бұл іске кіріспедім, ал біздің тергеуші мені және анамды мүлдем елемеді. Енді мен өз ісіме қатысты әділдікті қалаймын. Себебі ол тиісті жазасын алуы керек. Мен өзімнен басқа біреудің мұндай жағдайға тап болғанын қаламаймын”,-деп жазды қыз.
