ҚР өнеркәсіп және құрылыс министрі Қанат Шарлапаев үкімет “АрселорМиттал Теміртау” АҚ активіне шетелдік инвесторларды тартпайтынын мәлімдеді, деп хабарлайды kaskelen.kz.
“Үкімет меншік құқығы Қазақстан Республикасының пайдасына өткеннен кейін ешқандай шетелдік инвесторларды қарастырмайды. Кәсіподақтармен ұжымдық шарттарға, еңбекақыға, қызметкерлер санына негізделген кәсіпорында бар барлық жағдайлар өзгеріссіз қалады”, – деді Қанат Шарлапаев.
“АрселорМиттал Теміртау” АҚ (АМТ) тиесілі Костенко шахтасындағы қайғылы оқиғадан кейін қазақстандық болат компаниясы Қазақстанға меншікке беріледі деп шешілді. Естеріңізге сала кетейік, “АрселорМиттал” халықаралық корпорациясы Теміртауда 1995 жылдан бері кеніштерге иелік етіп келеді.
Министрлер кабинеті компания акционерлерімен алдын-ала келісімдерге қол жеткізді және мәмілені рәсімдеуді аяқтайды. АМТ жаңа басшысы – Вадим Басин, 2017-2021 жылдары “АрселорМиттал Теміртау” АҚ директоры міндетін атқарған.
