Асан Жүсіпов ҚК Құрлық әскерінің Бас қолбасшысы болып тағайындалды. Тиісті өкімге Мемлекет басшысы қол қойды, деп хабарлайды kaskelen.kz.
“Мемлекет басшысының үкімімен Асан Қуанышұлы Жүсіпов Қазақстан Республикасы Қарулы Күштері Құрлық әскерінің Бас Қолбасшысы болып тағайындалды”, – делінген хабарламада.
Мемлекет басшысының басқа үкімімен Талғат Мамыртайұлы Қойбақов Қазақстан Республикасы ҚК Құрлық әскерлінің Бас қолбасшысы міндетінен босатылды.
Асан Жүсіпов 1973 жылы 10 ақпанда Көкшетау облысы Арық-Балық ауданы Имантау кентінде дүниеге келген. Ол әртүрлі лауазымдарда мотоатқыштар взводының, ротаның, батальонның командирі, мотоатқыштар бригадасының штаб бастығы, танк бригадасының командирі қызметтерін атқарды.
- 1995 жылдың сәуірінен 2001 жылдың тамызына дейін 40398 әскери бөлімінде взвод командирінен мотоатқыштар батальонының командиріне дейін қызмет атқарды.
- 2001 жылдың тамызынан 2003 жылдың маусымына дейін ҚР ҚК Әскери академиясының тыңдаушысы болды.
- 2003 жылғы маусымнан 2008 жылғы наурызға дейін штаб бастығы – бөлім командирінің орынбасары және 27943 әскери бөлім командирі лауазымдарынан өтті.
- 2008 жылғы наурызда 21450 әскери бөлімінің командирі болып тағайындалды.
- 2012 жылғы тамызда өңірлік қолбасшылық әскерлері қолбасшысының орынбасары (жауынгерлік даярлық бойынша) – “Батыс” РМҚК әскерлер қолбасшысының басқармасы жауынгерлік даярлық бөлімінің бастығы болып тағайындалды.
- 2013 жылдың тамызында Ұлттық қорғаныс университетінің тыңдаушысы болып қабылданды.
- 2015 жылғы маусымда өңірлік қолбасшылық әскерлері қолбасшысының орынбасары (жауынгерлік даярлық бойынша) – “Восток” РМҚК әскерлер қолбасшысының басқармасы жауынгерлік даярлық бөлімінің бастығы болып тағайындалды.
- 2016 жылдың қараша айынан бастап штаб бастығы – “Оңтүстік” өңірлік қолбасшылығы әскерлері қолбасшысының бірінші орынбасары болып тағайындалды.
- 2019 жылғы 15 қыркүйекте Мемлекет басшысының Өкімімен “Восток” өңірлік қолбасшылығы әскерлерінің қолбасшысы болып тағайындалды.
