2024 жылғы 1 тамыздағы жағдай бойынша атаулы әлеуметтік көмек (АӘК) 70,2 мың отбасынан 371,9 мың адамға тағайындалды. Ағымдағы жылы бұл мақсаттарға бюджеттен 60,5 млрд теңге қарастырылған, деп хабарлайды kaskelen.kz тілшісі ҚР Еңбек және халықты әлеуметтік қорғау министрлігіне сілтема жасап.
АӘК–нің негізгі мақсаты – ақшалай төлемдер түріндегі қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төменгі күнкөріс деңгейінің 70% – нан аспайтын азаматтарға тоқсан сайын әлеуметтік көмек тағайындау;
- 1 жастан 6 жасқа дейінгі аз қамтылған отбасылардан шыққан балаларға қоса алғанда әр балаға 1,5 АЕК (5538 теңге) мөлшерінде ай сайынғы қосымша төлем беру.
- Ағымдағы жылдың 1 тамызына АӘК алушылар қатарынан 115,4 мың мектепке дейінгі жастағы балаларға 3,3 млрд теңге сомасына қосымша төлем тағайындалды;
- жұмысқа орналастыру, өз ісін ашуға уәжделген отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті мансап орталығына, тұрғылықты жері бойынша ауылдық округ әкіміне немесе электрондық үкімет порталы арқылы бере алады (egov.kz).
2024 жылғы 1 шілдедегі жағдай бойынша АӘК 67,1 мың отбасынан 355,3 мың адамға тағайындалды.
