Атырау облысында ер адам отбасы жанжалынан кейін үстіне бензин құйып, өзін өртеген, деп хабарлайды kaskelen.kz тілшісі atpress.kz порталына сілтеме жасап. Видеоны мына сілтеме арқылы көрсеңіз болады.
Оқиға 13 қаңтарда Мақат ауданының Доссор кентінде болған. Видеосы әлеуметтік желіде тараған. Кадрлардан куәгерлер ер адамға қар лақтырып, отты сөндіруге тырысқанын байқауға болады. Оқиға орнына жедел жәрдем бригадасы келген.
“1961 жылы туған азамат Б-ның 70% денесін күйік шалған,Атырау облыстық ауруханасына жеткізілді. Жәбірленуші ауыр жағдайда. Оған барлық қажетті медициналық көмек көрсетіледі”, – делінген хабарламада.
Атырау облысы полиция департаментінің хабарлауынша, өз-өзіне қол жұмсау әрекетінің себебі отбасылық-тұрмыстық жанжал болған. Оқиғаның барлық мән-жайлары анықталуда. Қазіргі уақытта ҚР ҚК 105-бабы (“суицидке дейін жеткізу”) бойынша сотқа дейінгі тергеу басталды.
