Атырауда жер қатынастары, сәулет және қала әкімі аппаратының бұрынғы басшылары қамауға алынды, деп хабарлайды kaskelen.kz тілшісі Атырау облысының прокуратурасына сілтеме жасап.
Лауазымды тұлғалар жер учаскелерін бөлу және олардың нысаналы мақсатын анықтау кезінде алаяқтық әрекеттерге күдіктенеді.
“Прокуратура бұл фактіні ҚК-нің 190-бабы 4-бөлігінің 2-тармағы (“аса ірі мөлшерде жасалған алаяқтық”) және ҚК-нің 361-бабы (“лауазымдық өкілеттіктерді теріс пайдалану”) бойынша тіркеді. Облыс прокуратурасы сотқа дейінгі тергеу жүргізуде”, – делінген хабарламада.
ҚР Қылмыстық іс жүргізу кодексінің 201-бабына сәйкес тергеу мүддесінде өзге де ақпарат жария етілуге жатпайды.
