2023 жылдың 13 қыркүйегіндегі жағдай бойынша, 1 388 ауылдық округті қамтитын 42 млрд теңге сомасына 7 429 шағын несие берілді, деп хабарлайды Kaskelen.kz
Үкімет президенттің ауыл шаруашылығы кооперациясы арқылы ауылдағы кәсіпкерлікті дамыту жөніндегі тапсырмасын белсенді жүзеге асырып келеді.
Үкімет аппараты жанындағы “Ауыл аманаты” жобалық кеңсесінің кезекті отырысында премьер-министрдің орынбасары Тамара Дүйсенованың төрағалығымен жобаның орындалу барысы қаралды.
Өңірлердегі жағдай және жергілікті атқарушы органдардың бөлінген несие ресурстарын пайдалануы туралы ақпаратты Ауыл шаруашылығы министрлігі береді.
Мәселен, 2023 жылдың 13 қыркүйегіне 1388 ауылдық округті қамтитын 42 млрд теңгеге 7 429 шағын несие берілді.
Оның ішінде шағын несиелердің 85%-ы мал шаруашылығына (35,8 млрд. теңге), 7%-ы өсімдік шаруашылығына (2,8 млрд. теңге), 5%-ы кооперативтерге ауыл шаруашылығы техникасы мен құрал-жабдықтарын алуға, 2,6%-ы басқа салаларға ( 1. 1 млрд. теңге) жұмсалады.
