Биыл ақпан айында танымал әзілкеш, актер Нұржан Төлендиев қызын ұзатқан еді. Қызы Қорлан Instagram парақшасында тұңғышын өмірге әкелгенін айтты, деп хабарлайды kaskelen.kz. Сілтемеге өту арқылы видеоны көре аласыз.
“Аллаға шүкір”, – деп жазды Қорлан. Бұған қоса әзілкештің қызы сәбиін желтоқсанның 3-інде дүниеге әкелгенін де мәлім етті.
Сондай-ақ әзілкештің әріптесі Нартай Сүлейменов те сахнада тұрып, залға жиналған көрерменге сүйінші жаңалықты жеткізді. “Бір сағат бұрын Нұржан ата атанып, немере сүйді. Қол соғып қояйық”, – деді Нартай Сүлейменов.
Еске сала кетейік, елімізге танымал әзілкеш Нұржан Төлендиев жыл басында қызы Қорланды ұзататынын айтты. Осыдан кейін жаңа құдаларымен танысқан өнер иесі ұзату тойында қызын ел алдына өзі алып шықты.
