Сізге ұнауы мүмкін
Бельгиялықтар асырап алған қазақ баласы өзінің биологиялық ата-анасын табуға көмек сұрады. Испанияның Жәни есімді тұрғыны Қазақстанға анасы мен әкесін іздеп келді, деп хабарлайды kaskelen.kz порталы сыртқы істер министрлігі жанындағы “Отандастар” қорының вице-президенті Олжас Беркінбаевтың Instagram парақшасына сілтеме жасап.
Жігіт өзінің 2002 жылы Арқалық қаласында дүниеге келгенін айтты. Екі жасында бала Жәнібекті бельгиялық ерлі-зайыптылар асырап алып, Еуропаға алып кетті.
“2004 жылы сол қаладағы балалар үйінен қазіргі бельгиялық отбасы, яғни жалғыз басты анасы асырап алуға алып кеткен. Фламанд тілінде өскен ол, қазақша не орысша білмейді. Есесіне, ағылшын, испан, француз, неміс тілдерінде сөйлейді. Қазір Испанияның Мальорка аралында тұрады. Асырап алған отбасы оған еуропаша білім беріп өсірген. Осы күндері Астанада, өзінің туған әке-шешесін іздеп келіпті.
Туған әке-шешемнен түк керек емес, тек анамның жүзін көріп, бір рет құшақтап, жүрегімді тыншытсам дейді Жәнібек … Әлі толқып жүрмін, ана туралы ойласам, эмоциямды басқара алмай қаламын дейді ол. 20 желтоқсан Астанадан Испанияға ұшып кететін Жәнібек, баршаңыздан көмек күтіп отыр. Қазақстан тым алыс, енді қашан келерім белгісіз, мұнда түрім қазақ, тілім өзгеше бәрі біртүрлі қарайды дейді. Мальоркада ол атбегілікпен айналысады. Жылқыны жақсы көреді екен”, – деп жазды Олжас Беркінбаев.
