Бірыңғай уақыт белдеуіне көшу себебімен 29 ақпанда сағат 22:00-ден 1 наурыз 02:00-ге дейін техникалық жұмыстар жүргізіледі, деп хабарлайды kaskelen.kz тілшісі egov.kz порталына сілтеме жасап.
Бірыңғай UTC +05.00 уақыт белдеуіне көшуге байланысты 2024 жылғы 29 ақпанда сағат 22:00-ден 2024 жылғы 1 наурызда 02:00-ге дейін техникалық жұмыстар жүргізіледі.
Осы уақыт аралығында келесі жүйелер уақытша істемейді:
- eGov.kz порталы және оның құрамдас бөліктері; egov mobile мобильді қосымшасы;
- “Е-нотариат” бірыңғай нотариаттық ақпараттық жүйесі;
- “Техникалық бақылау” бірыңғай ақпараттық жүйесі;
- “e-Otinish” электрондық өтініштер қызметі.
Сондай-ақ “Ұлттық ақпараттық технологиялар” АҚ жүргізетін басқа да ақпараттық жүйелер мен мемлекеттік дерекқорлар уақытша қолжетімсіз болуы мүмкін.
