Дикий Арман ісіне қатысқан жәбірленуші мен куәгерлер төніп тұрған қауіп туралы мәлімдеді, – деп хабарлайды Kaskelen.kz
Тыңдалым барысында жәбірленушілер, сотталушылар мен адвокаттардың кейбірі, сондай-ақ куәгерлер де сот процессінің жабық режимде өтуін сұрап, өтінішхат жолдады. Олар өздерінің және отбасы мүшелерінің өміріне қауіп төнуі мүмкін екенін алға тартқан.
Сонымен қатар судья прокурорларды отырыстан шеттету туралы шағымды қанағаттандырмады.
Еске салайық, Алматыдағы қылмыстық істер жөніндегі мамандандырылған ауданаралық сотында Қаңтар оқиғасына қатысты ұсталған Арман Жұмагелдиев пен Қайрат Құдайбергеннің ісіне қатысты алдын ала сот тыңдалымы басталды.
Алматы сотының баспасөз қызметі атышулы процестің бірінші күні сотталушылардың адвокаттары сот процеске жіберілмегені туралы ақпарат жоққа шығарып, мәлімдеме жасады.
