Қазақстанда екі жаңа кәсіби мереке болады, деп хабарлайды kaskelen.kz тілшісі “Ашық НҚА” порталында орналастырылған деректерге сілтеме жасап.
Еңбек және халықты әлеуметтік қорғау министрлігінде кәсіби мерекелер тізіміне толықтырулар жобасы әзірленді. Кәсіби мерекелер тізіміне тағы екеуі кірді:
- Қазақстан Республикасының Азаматтық авиация қызметкерлері күні – 1 ақпан,
- Мұнай бұрғылаушы күні – қарашаның үшінші сенбісі.
Жарияланған құжатта атап өтілгендей, Қазақстан Республикасы Еңбек және халықты әлеуметтік қорғау министрлігінің Еңбек және әлеуметтік әріптестік департаменті заңнамада белгіленген тәртіппен:
- осы бұйрықты Қазақстан Республикасының Әділет министрлігінде мемлекеттік тіркеу;
- осы бұйрықты ресми жарияланғаннан кейін Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыру.
Ресми құжаттың мәтінінде осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізілетіні атап өтіледі.
Жоба 2023 жылы 2 қарашаға дейін жария талқылау үшін “Ашық НҚА” порталында орналастырылған.
