2024 жылғы 1 желтоқсандағы жағдай бойынша мемлекеттік еңбек инспекторлары республиканың 277 кәсіпорны 18,7 мың жұмыскерге 4,4 млрд теңгеге жалақы бойынша берешек екенін анықтады, деп хабарлайды kaskelen.kz тілшісі ҚР Еңбек және әлеуметтік қорғау министрлігіне сілтеме жасап.
Сонымен қатар, түрлі ұйымдарда жүргізілген тексерулер барысында 7,5 мыңнан астам еңбек құқығының бұзылуы анықталды.
Жалақы бойынша берешегі бар кәсіпорындардың басшыларына 249 ұйғарым шығарылды, оларды орындау үшін міндетті болды, 50,3 млн.теңгеден астам айыппұл салынды.
— Қабылданған шаралардың, оның ішінде жалақы бойынша берешекті өтеудің қатаң кестелері мен мерзімдерін белгілеудің нәтижесінде 17,5 мыңнан астам жұмыскердің құқықтары қорғалды. Оларға 3,4 млрд теңге төленді, — делінген хабарламада.
Сондай-ақ, еңбек заңнамасының сақталуын мемлекеттік бақылауды қамтамасыз ету мәселелері Қазақстан республикасы Еңбек және халықты әлеуметтік қорғау Министрлігінің ерекше бақылауында.
2024 жылғы 1 желтоқсандағы жағдай бойынша мемлекеттік еңбек инспекторлары 5 039 тексеру жүргізді, оның барысында 7 583 бұзушылық анықталды, оның ішінде: еңбек саласында – 5 723; Еңбек қауіпсіздігі және еңбекті қорғау бойынша – 1 793; жұмыспен қамту бойынша – 67.
Жұмыс берушілерге 2998 ұйғарым шығарылып, 371 млн теңге сомасына 3359 әкімшілік айыппұл салынды.
Қабылданған шаралардың нәтижесінде 33 мыңнан астам қызметкердің еңбек құқықтары қорғалды.
Естеріңізге сала кетейік, қараша айында еңбек инспекторлары 7,1 мыңнан астам еңбек құқығының бұзылғанын анықтаған.
