Алматы әкімі Ерболат Досаев Түрксіб ауданындағы 586 ескі үйді реновациялау жоспары туралы айтып берді, деп хабарлайды kaskelen.kz порталы.
Оның сөзінше, Алматыда 1 366 ескі үй бар, оның 40% – дан астамы Түрксіб ауданында орналасқан.
— Былтыр Кассин және Сауранбаев көшелерінде 13 жаңа көппәтерлі тұрғын үйдің құрылысы аяқталды. Алтай – 2 шағын ауданында 6 бұзылған үйдің орнына тоғыз қабатты 3 үйдің құрылысы жүріп жатыр. Сондай-ақ Сауранбаев көшесінде 3 үйді бұзу жоспарланып отыр, одан кейін 8 жаңа көппәтерлі тұрғын үй салынады, — деді Ерболат Досаев.
Қала әкімдігі 2030 жылға дейін тұрғын үйді реновациялаудың жаңа бағдарламасын әзірлеген еді.
— Бағдарламаның негізгі қағидаты-құрылысты тоқсандық жүргізу. Ғимараттарды көшіру және бұзу барлық ескі тұрғын үй иелерінің келісімімен ғана жүзеге асырылатын болады. Бұл ретте меншік иелеріне «бөлме үшін бөлме» қағидаты бойынша айырбастау немесе нарықтық құны бойынша ақшалай өтемақы алу мүмкіндігі беріледі.Жайлы қалалық орта құру қала әкімдігі жұмысының басты бағытының бірі,—деді қала әкімі.
Айта кетсек, бағдарламада 676 ескі үйді жаңарту қарастырылған. Оның 71-і тектоникалық жарықшақтарда орналасқан.
