Сізге ұнауы мүмкін
Бас прокуратура инветорлар жиі тап болатын негізгі әкімшілігі кедергілерді атады, деп хабарлайды kaskelen.kz порталы.
«Прокурорлардың назарында 32 трлн теңгеден асатын 770-тен астам жоба бар. Олар – ірі инвесторлар мен Жалпыұлттық пулдың жобалары», – деп атап өтеді Бас прокуратурадан агенттіктің ресми сауалына орай.
Қадағалаушы органның мәліметіне сәйкес, прокурорлық сүйемелдеудің барысында инвесторлар жиі тап болатын мынадай әкімшілік кедергілер анықталған:
- жер мәселелері бойынша шешімдер қабылдау кезіндегі күрделілік және артық формальдылық (оның ішінде меншік құқығын анықтаудағы түсініксіздік) – 38%;
- инфрақұрылымның болмауы немесе қолжетімсіздігі – 27%;
- рұқсат беру құжаттарын алу және шешімдер қабылдау барысында шығарылған шешімдердің әуре-сарсаңдығы мен келіспеушілігі – 15%;
- салық салу жүйесіндегі өзгерістердің болжамсыздығы және салықтық бақылауды жүргізудің әртүрлі тәжірибелері – 10%.
«Бұлардың басым көпшілігі жасанды және аталған мәселелердің әрқайсысының өсу/төмендеу дәрежесі мемлекеттік аппараттың оларды бақылау және жою қабілетіне байланысты. Осы тұрғыда «инвесторларға қатысты прокурорлық сүзгі» (тексерулерді тағайындау, әкімшілік өндірістерді қозғау, шектеулерді қолдану, рұқсаттарды беруден бас тарту және ұзарту туралы мемлекеттік органдардың шешімдерін прокурорлармен келісу) өзінің тиімділігін көрсетті», – деді прокуратурадан.
