ҚР Қаржы министрлігінің Мемлекеттік кірістер момитеті елдің қайырымдылық қорлары бір жыл ішінде бюджетке қанша салық төлегенін хабарлады.
– 2023 жылы қайырымдық қорлары мемлекетке 426,1 млн теңге, табыс көзінен 6,6% көлемінде салық төледі, – деп жазылған ресми мәліметте.
Алайда, бұл қайырымдылық қорларының жалпы кірісінің 6,6%-ы 426,1 млн теңгені құрайды дегенді білдірмейді. Өйткені, комитет сарапшыларының пікірінше, қайырымдылық қорлары коммерциялық емес ұйымдар болып саналатындықтан, қызметіне байланысты табысқа салынатын салық мөлшерлемесі де әртүрлі. Салық кодексінің 289-бабының 2-тармағына сәйкес, өз мүдделері үшін кіріс алуға ниеті жоқ, жеке кірістерді немесе олардың қызметі нәтижесінде алынған мүлікті бөліспейтін ұйымдардың кірістеріне салық салынбайды.
Келесі санаттар бойынша:
- мемлекеттік әлеуметтік тапсырысты орындауға арналған келісімшарттан түсетін кірістер;
- салым бойынша сыйақы;
- мүшелік жарналар және ұйымдағы мүшелік жарналар;
- көп пәтерлі үйдегі пәтерлер мен тұрғын емес үй-жайлардың иелерінің жарналары;
- депозитке салынған ақшаның пайызынан туындаған бағамдық айырма;
- өтеусіз мүлік түріндегі кірістер (қайырымдылық көмек, гранттар, демеушілік, өтеусіз негізде алынған ақша және басқа мүлік).
– Салық кодексінің 289-бабының 2-тармағында көрсетілмеген коммерциялық емес ұйымдардың табыстарына жалпыға бірдей тәртіпте салық салынады, – делінген жауапта.
Айта кету керек, қазір халық арасында қайырымдылық қорларының жұмысына заңмен тыйым салынуы мүмкін деген болжамдар бар. Мемлекеттік органдар мұны шектеу немесе тыйым салу ретінде емес, олардың қызметін жақсарту шарасы ретінде түсіндіреді.
“Біз біргеміз” қоры арқылы танымал болған перизат Қайрат су тасқынының салдарын жою үшін жиналған қайырымдылықтардан 1,5 миллиард теңгеден астам қаражатты жымқырды деген күдікпен ұсталып, екі айға бас бостандығынан айырылды.
