Ұлттық статистика бюросының деректері бойынша 2024 жылдың бірінші тоқсанының қорытындысы бойынша Қазақстанда жұмыспен қамтылған халықтың жалпы саны 9 млн 167,3 мың адамды құрайды. Оның 51,9%-ы ер адамдар, 48,1%–ы әйелдер, деп хабарлайды kaskelen.kz порталы.
Жас санаттары бойынша жұмысшылардың ең көп саны 35-44 жас тобына – 2,5 миллионнан астам адамға тиесілі. Олардың артынан 29-34 жас аралығындағы қызметкерлер келеді, олардың саны 1,8 миллионнан асады.
Жұмыспен қамтылғандардың жалпы санының 44% –ы жоғары және жоғары оқу орнынан кейінгі білімі, тағы 50%–ы техникалық немесе кәсіптік білімі бар.
Бұл ретте, статистика атап өткендей, жұмыспен қамтылған халықтың жалпы санының 76,2%-ы жалданып еңбек етеді, ал 23,8%-ы өз бетінше жұмыспен қамтылған қызметкерлер болып табылады.
Жалдамалы жұмыскерлердің ең көп саны Алматы қаласында байқалады, олардың саны 954,3 мың адамға жетеді.
Өзін–өзі жұмыспен қамтығандардың ішінде Түркістан облысында ең көп саны–374,5 мың адам (өзін-өзі жұмыспен қамтығандардың жалпы санының 17,1%) тіркелген.
Тағы 51,6 мың адам қашықтан жұмыс істейді.
