Қарағанды қаласы Майқұдық ықшам ауданында кіші қызметкер жұмысына наразылығын білдірді. Ол көше тазалағаны үшін айына 20 000 теңге алады, деп хабарлайды kaskelen.kz тілшісі Патриот Telegram-арнасына сілтеме жасап.
Майқұдықта көше тазалаушы айына 20 000 теңге жалақыға жұмыс істейді. Оның айтуынша, осындай аз ақшаға ол ауыр дорбаларды тасып, қоқыс тазалайды. Әйел кіреберіс алдындағы кішкентай контейнерлерге үйінің қоқысын лақтырып кететіндер көп екенін айтып, тұрғындарға ашуланды.
Бұл контейнерлер ұсақ қоқыстар, яғни кәмпит қабығы, темекі тұқылдарын лақтыруға арналған.
“20 000 теңге үшін не істеп жатқанымды қараңыз. Онымен қоймай көше тазалаушылар жұмыс істемейді деп шағымданады. Біз жұмыс істемесек, не болар екен?! Айтарға сөз жоқ. Айына 20 мың аламын! Ал 100 000-ға дәрі аламын. Көше сыпырушыларды жаман дейсіздер ма”, – деді әйел.
Майқұдықтағы бес қабатты үйдің тұрғындары көше тазалаушы әйелдің жұмысын сынап, шағымданды. Әйел тұрғындарға ашуын білдірді.
Еске сала кетейік, бұған дейін Таразда көше тазалаушылар жалақыларының мардымсыздығын айтып әкімдік алдына жиналған еді.
