Қауіпсіздік деңгейі бойынша әлемдегі елдердің рейтингі жарияланды. Қазақстан жалпы кестеде 75-орында тұр, деп хабарлайды kaskelen.kz тілшісі Numbeo.com порталына сілтеме жасап.
Numbeo.com сайты 2024 жылғы бірінші жартыжылдықта қауіпсіздік және қылмыс деңгейі бойынша елдер рейтингін жариялады.
Қылмыс бойынша рейтингте Қазақстан 45,6 индексімен 75-орынға тұрақтады. Былтыр Қазақстан 72-орында болды, ал индекс 46,4 балл болған еді.
Айта кетейік, рейтингте Қырғызстан – 43-орында, Беларусь – 54-орында, Ресей 97-орында, Өзбекстан 120-орында.
Қауіпсіздік индексі бойынша сараланған рейтингте Қазақстан 54,4 ұпаймен 72-орынға тұрақтады. Рейтингке сүйенсек, Ұлыбритания (85-орын), Швеция (87-орын) және АҚШ (88-орын) сияқты елдерге қарағанда Қазақстандағы өмір қауіпсіз деп саналды.
Рейтингке барлығы 146 мемлекет қатысқан. Венесуэла ең қауіпті, ал Андорра ең қауіпсіз деп танылды.
