УЕФА ресми сайты футболдан Еуропа чемпионатының іріктеу турнирі матчында Дания құрамасынан (1:3) жеңілгеннен кейін Қазақстан құрамасын жігерлендірді, деп хабарлайды kaskelen.kz тілшісі.
“Словения мен Дания топтың жалғыз көшбасшысы болғанымен, Қазақстан үшін ештеңе аяқталған жоқ. Қазақстан үшін ағымдағы нәтиже – сәттілік. Өйткені жеребе тастағаннан кейін, үш турда Адиевтің шәкірттері үздік екі орынға үміткер бола алады деп ойлаған жоқ”, – делінген УЕФА сайтындағы есепте.
Естеріңізге сала кетейік, Еуро-2024 іріктеуінің соңына дейін Қазақстан құрамасы тағы үш матч өткізеді: 17 қазанда ол Финляндия құрамасымен қонақта ойнайды, 17 қарашада Сан-Марино құрамасымен үй матчын өткізеді, ал 20 қарашада Словениямен кездеседі.
